RSS

Category Archives: Rehmat Syed Safay

غزل


کاش کښې زۀ هم يو ملګرے د شبنم وے
تابعدار به مې بيا هله غُنچه فم وے

بختورو کښې به هله وے شمار شوے
مبارکه چې دې خاوره د قدم وے

کله کله به دې زړۀ راباندې سولے
لېونے کۀ ستا د کلي ستا د چم وے

تۀ زمونږ د ټينګې چرته يې اغياره!
کۀ د لر او د بر ربط مقدم وے

يادولې چې دې سپينې خولې دعا کښې
نو دا درد د سوي زړۀ به مې لږ کم وے

چرته باز وے تورو غرونو د سرونو
چې په دې رقم ادم نه نۀ ادم وے

زۀ صافي به د صافو د لښکر سر وے
کۀ همت وے زما غر ژبه ځم ځم وے

 
 

Tags: , , , , , , , , , , , , , , , , , , , , , , , , , , , , , ,

 
%d bloggers like this: